Tuesday, 23 August 2011
Admin
Tuesday, 16 August 2011
Pothwar News Today 16 Aug 2011
ٹی ایم اے کلر سیداں کے کرپٹ افسران کے خلاف انکوائری کا حکم ،ڈی سی او راولپنڈی انکوائری افسر مقرر
کلرسیداں۔ ٹی ایم اے کلرسیداں ،کریپشن کے مرتکب افسران کے خلاف انکوائری کا حکم،واٹر کولر،روم کولر،الیکٹرک فین،جنریٹر کی خریداری میں ہونے والے گھپلوں کے حوالے سے ڈی سی اوراولپنڈی کپٹن ثاقب ظفر انکوائری آفیسر مقرر،کرپٹ افسران میں کھلبلی مچ گئی۔سخت ایکشن لیا جائے عوامی حلقوں کا مطالبہ،تفصیل کے مطابق گزشتہ برس ٹی ایم اے کلرسیداں میں واٹر کولر،روم کولر لاہوری،الیکٹرک فین اور جنریٹر کی خریداری کی مدمیں لاکھوں روپے کے گھپلے ہوئے تھے جس کے خلاف پوٹھوار نے تفصیل سے لکھا تھا،بعض بااثر سرکاری افسران کی وجہ سے معاملہ اس وقت تو دبادیا گیا لیکن اب اعلیٰ حکام نے سینئر صحافی اکرام الحق قریشی کی طرف سے معاملہ اٹھانے پر ڈی سی اوراولپنڈی کپٹن ظفر ثاقب کو انکوائری افسر مقرر کردیا ہے امید ہے کہ آئندہ چنددنوں تک وہ ان گھپلوں کے بارے رپورٹ اعلیٰ حکام کو دیں گے۔اس کے علاوہ ٹی ایم اے میں گزشتہ سال لگنے والے سستے بازار میں سایہ کے نام پر6لاکھ سے زائد رقم ٹینٹ سروس کے مالکان کو دی گئی تھی جبکہ اس سال تخمینہ 8لاکھ تک پہنچ گیا ہے ۔حال آں کہ اگر ٹی ایم اے اپنے ذاتی ٹینٹ خرید لیتی تو صرف ایک لاکھ تک خرچ اٹھتا،عوامی حلقوں نے سخت ایکشن لینے کا مطالبہ کیا ہے۔ یہ شنید بھی ہے کہ ٹی ایم اے میں چند دنوں تک بعض ملازمین کے تبادلے بھی کئے جائیں گے۔
تھانہ کلر سیداں پولیس نے 27 سالہ شخص کو اغواء کرنے کے الزام میں مقدمہ درج کر لیا
کلرسیداں۔تھانہ کلر سیداں پولیس نے 27 سالہ شخص کو اغواء کرنے کے الزام میں مقدمہ درج کر کے ملزم کی تلاش شروع کر دی۔تفصیلات کے مطابق محمد تنویر ولد محمد بشیر سکنہ لٹوال سیداں نے پولیس کو بتایا کہ اس کا 27 سالہ بھائی اسماعیل مورخہ 17 جولائی کو مبلغ 50 ہزار روپے اور ایک عدد موبائل فون لے کر گھر سے گیا اور جولائی سے میرے بھائی کا فون مسلسل بند مل رہا ہے۔ کافی تلاش کے بعد معلوم ہوا ہے کہ اسکو ایک رشتہ دار محمد شہزاد نے دھوکہ دہی سے کام لیتے ہوئے اغواء کر کے لے گیا ہے۔شہزاد واپس آیا تو ہم نے اسماعیل کے بارے میں استفسار کیا تو اس نے ٹال مٹول کرنا شروع کر دی اور کہا کہ اسماعیل دو دن میں گھر آ جائیگا وہ میرے پاس ہی ہے۔
تیز رفتار موٹر سائیکل سوار کیری ڈبہ سے ٹکرا کر شدید زخمی
بیول۔تیز رفتار موٹر سائیکل سوار کیری ڈبہ سے ٹکرا کر شدید زخمی ،تفصیلات کے مطابق بیول کے نواحی قصبہ کنڈ کا رہائشی نوید ولد محمد جہانگیر اپنے موٹر سائیکل پر بیول آرہا تھا تیز رفتاری سے سامنے آنے والے کیری ڈبہ سے جا ٹکرایا جسکے نتیجے میں نوید احمد کو شدید چوٹیں آئیں اور مقامی ہسپتال میں داخل کر دیا گیا۔دریں اثناء گزشتہ روز چکڑالی کے رہائشی قمر شہزاد اور اس کے والد محمد رمضان بیول کی طرف آ رہے تھے کہ کلر سیداں کی طرف جاتی تیز رفتار گاڑی نمبر9720 سے ٹکرا کر زخمی ہوگئے۔ گاڑی اسلام پورہ جبر کا رہائشی راجہ رضوان چلا رہا تھا۔ زخمیوں کو مقامی پرائیویٹ ہسپتال میں ابتدائی طبی امداد دی گئی۔
Saturday, 13 August 2011
Pothwar News Today 13 Aug 2011
اے ایس آئی ظہور تھانہ گوجرخان نے ملزمان کو پکڑنے کے لئے مدعی سےایک لاکھ روپے کا مطالبہ کر دیا
گوجرخان ۔ بڑکی بدھال کے رہائشی کامران نذیرنے اپنی والدہ کے ہمراہ پوٹھوہار پریس کلب میں پریس کانفرنس کے دوران بتایا کہ 24جون 11ء کو اپنے گھر میں موجود تھا کہ رات دو بجے کے قریب گھر کے ساتھ ایک حویلی سے شور شرابہ کی آوازیں آئی باہر جا کر دیکھا توکچھ لوگ شراب کے نشے میں دھت فاحشہ عورتوں کے ہمراہ غل غباڑہ کر رہے تھے منع کرنے پر مارنا شروع کر دیا 30بور پسٹل سے فاہر کر کے زخمی کر دیا جس کی باقاعدہ ایف آئی آر میری اہلیہ غزالہ کی طرف سے تھانہ گوجرخان میں درج ہوئی پولیس نے ایک ملزم جہانگیر کو گرفتار کر کے جوڈیشل کر دیا جبکہ باقی ملزمان تاحال گرفتار نہ کئے جو کہ دندناتے پھر رہے ہیں دولت اور سیاسی اثر و رسوخ کی بنا پرپولیس ان کو بے گناہ کرنے کیلئے مصروف ہے کامران نذیر نے پولیس تھانہ گوجرخان کے اے ایس آئی ظہور پر الزام لگایا کہ وہ اس کے ملزمان کی گرفتاری اور مزید کارروائی کیلئے ایک لاکھ کا مطالبہ کیا جبکہ 11ہزار روپے لے چکا میں غریب فیکٹری ملازم ہوں پیٹ میں فائر لگنے سے معذور ہو چکا ہوں دو چھوٹے چھوٹے بچے ہیں پولیس کی فرمائشیں پوری نہیں کر سکتا چیف جسٹس آف پاکستان افتخار محمد چوہدری وزیراعلیٰ پنجاب میاں شہبازشریف آئی جی پنجاب آر پی او راولپنڈی سے دردمندانہ اپیل کی ہے کہ وہ پولیس تھانہ گوجرخان کی ملزم دوستی کا نوٹس لے کر انصاف دلائیں اور بااثر ملزمان کوگرفتار کر کے کیفر کردار تک پہنچانے میں اپنا کردار ادا کریں
پنجاب یونیورسٹی لاہور نے بی اے کے نتائج کا اعلان
بیول۔ پنجاب یونیورسٹی لاہور نے بی اے کے نتائج کا اعلان کر دیا ہے۔ شفا گرلز کالج بیول سے اس سال انتالیس(39) طالبات نے بی اے کا امتحان دیا جن میں سے اُنتیس(29) کامیاب رہیں ۔ آٹھ طالبات فرسٹ ڈویژن جبکہ باقی تمام سیکنڈ ڈویژن میں کامیاب ہوئیں ۔ کوئی طالبہ تھرڈ ڈویژن میں کامیاب نہیں ہوئی۔ فرخ نصیب اور مریم شاہین نے539 نمبر حاصل کر کے کالج میں پہلی پوزیشن حاصل کی۔ اس شاندار کامیابی پروالدین نے شفا کالج کے چیئرمین سجاد قریشی کو مبارکباد دی ہے۔
ٹی ایم اے کلر سیداں کے ملازمین نے اسسٹنٹ کمشنر کو کمرے میں بند کر کے تالا لگا دیا
کلر سیداں ٹی ایم اے کلر سیداں کے ملازمین کی قانون شکنی ، اسسٹنٹ کمشنر کلر سیداں کو کمرے میں بند کر کے باہر سے تالا لگا دیا ۔ اپنی نوعیت کا یہ منفرد واقعہ گزشتہ روز اس وقت پیش آیا جب قائم مقام اسسٹنٹ کمشنر راجہ محمد اجمل اپنے دفتر کے ریٹائرنگ روم میں حسب معمول کے فرائض سر انجام دے رہے تھے کہ ٹی ایم اے سٹاف نے کمرے کو باہر سے تالا لگا کر انہیں اپنی ہی دفتر میں نظر بند کر دیا ۔ ریونیو سٹاف نے صورتحال دیکھ کر بذریعہ فون اسسٹنٹ کمشنر کو اطلاع دی کی انہیں ٹی ایم اے سٹاف نے تالا لگا کر اپنے ہی دفتر میں بند کر دیا ہے ۔ بعدازاں ریونیو سٹاف کی مداخلت پر اسسٹنٹ کمشنر کو رہائی دلائی گئی تو انہون نے احتجاجاً کمرے میں جانے سے انکار کر دیا ۔ تفصیلات کے مطابق ٹی ایم اے سٹاف ریونیو سٹاف کی موجودگی سے الرجی رہتا ہے۔ ریونیو سٹاف نے کئی بار ملازمین کی حاضریاں لگائیں تو بیشتر سٹاف غیر حاضر رہتا تھا ۔ ٹی ایم او انعام الرحیم خود تاخیر سے تشریف لاتے ہیں اور یہ ان کابرسہا برس سے معمول ہے ۔ گزشتہ اتوار کو ریونیو سٹاف نے ضلعی حکام کے ااستفسار پر انہیں بتایا تھا کہ ٹی ایم اے کا کوئیافسر رمضان بازار میں موجود نہیں ہو تا ۔ کلر سیداں کے شہریوں نے قائد حزب اختلاف چو ہدری نثار علی خان کی تو جہ ٹی ایم اے کلر سیداں کی حالیہ قانون شکنی اور اس کی مبینہ بد عنوانیوں کی وسیع پیمانے پرتحقیقات کا مطالبہ کرتے ہو ئے ذمہ دار اہلکاروں کو گرفتار کر نے کا مطالبہ کیا ہے ۔پمز اسپتال میں ینگ ڈاکٹرز کی ہڑتال، دفاتر، اوپی ڈیز کی تالہ بندی
وفاقی دارالحکومت اسلام آباد کے سب سے بڑے اسپتال پمز میں ینگ ڈاکٹرز کا مطالبات کے حق میں احتجاج جاری ہے۔ ڈاکٹروں نے اسپتال کے انتظامی دفاتر، او پی ڈی اور لیبارٹریز کو تالے لگا دیئے۔ پاکستان انسٹی ٹیوٹ آف میڈیکل سائنسز اسلام آباد میں ینگ ڈاکٹروں کی ہڑتال ستائیسویں روز میں داخل ہو گئی ہے۔ بدھ کی صبح ڈاکٹروں نے احتجاج کرتے ہوئے اسپتال کے انتظامی دفاتر،او پی ڈیز اور لیبارٹریز کو تالے لگا دیئے۔ ڈاکٹروں نے اسپتال کے سامنے احتجاجی مظاہرہ بھی کیا جس سے سڑک بلاک ہو گئی۔ ینگ ڈاکٹرز کا کہنا ہے کہ مطالبات کی منظوری تک احتجاج جاری رکھا جائے گا۔ پمز کی اکیڈمک کونسل نے بھی ینگ ڈاکٹرز کی ہڑتال کی حمایت کر دی ہے۔ ڈاکٹروں کی مسلسل ہڑتال کے باعث علاج کیلئے اسپتال آنے والے مریضوں کو سخت مشکلات کا سامنا کرنا پڑ رہا ہے۔
ریلوے کالونیوں کے تمام مسائل حل کئے جائیں گے، شکیل اعوان
ممبر قومی اسمبلی ملک شکیل اعوان نے ریلوے لوکوشیڈ کالونی میں پرائمری مسلم لیگ ن لوکوشیڈ کے جنرل سیکرٹری محمد پرویز کی رہائش گاہ پر دئیے گئے استقبالیہ سے خطاب کرتے ہوئے کہا ہے کہ مسلم لیگ ن ہر پاکستانی کے دل پر راج کرے گی اور میرے قائد میاں محمد نواز شریف کا نام پاکستان کی تاریخ میں سنہرے الفاظ سے تحریر کیا گیا ہے پنجاب حکومت نے راولپنڈی کی ترقی کیلئے خصوصی پیکیج دے کر عوامی مسائل حل کئے ہیں 65 لاکھ روپے کے فنڈ سے ریلوے کالونیوں کے مسائل حل کئے جائیں گے اور مزید مسائل کے حل کیلئے بھی پنجاب حکومت فنڈ فراہم کرے گی ریلوے مزدوروں کی کالونیوں میں تمام گلیوں کی تعمیر کی جائے گی سیوریج کا نظام درست کیا جائے گا سٹریٹ لائٹس فراہم کی جائیں گی لوکوشیڈ میں گورنمنٹ گرلز پرائمری سکول کے چار کمروں کی تعمیر کی جائے گی جن کوارٹروں میں ابھی تک سوئی گیس نہیں لگی وہاں سوئی گیس لگوائی جائے گی کھیلوں کے میدان میں لائٹس لگوائی جائیں گی۔
راولپنڈی،ٹی بی ویکسین ختم ہونیکا انکشاف،محکمہ ہیلتھ نے مہلت مانگ لی
راولپنڈی کے ہسپتالوں میں نومولود بچوں کو ٹی بی خا تمے کے لیے لگائی جانے والے ویکسین ختم ہونے کا انکشاف ہوا ہے جس کو دوبارہ سپلائی کرنے کے لیے ایگزیکٹو ڈسٹرکٹ (ہیلتھ)آفس نے تین روز کی مہلت مانگ لی ذرائع سے معلوم ہو اہے کہ بی سی جی نامی یہ ویکسین سرکاری ہسپتالوں میں نومولود بچوں کو پیدائش کے فوراً بعد لگائی جاتی ہے تا کہ مستقبل میں ٹی بی کے خدشات کو ختم کیا جا سکے یہ ویکسین ای ڈی او ہیلتھ آفس کی طرف سے سرکاری ہسپتالوں کو ان کی ضرورت کے مطابق سپلائی کی جاتی ہے ذرائع سے معلوم ہوا ہے کہ راولپنڈی میں ا س ویکسین کا سٹاک ختم ہو گیا ہے اور راولپنڈی ڈویژن کے سرکاری ہسپتالوں میں روزانہ پیداہونے والے تقریباً اڑھائی سے تین سو بچوں کو ویکسین نہ لگائی جانے سے ٹی بی کنٹرول پروگرام کی ناکامی کے خدشات بھی پیدا ہو رہے ہیں جبکہ سرکای ہسپتالوں کی طرف سے مزید ویکسین کی فراہم سے متعلق ڈیمانڈ کرنے پر انہیں مزید تین روز تک صبر کرنے کی تلقین کر دی گئی ہے ۔
اڈیالہ،معمولی تلخ کلامی پر گولیاں چل گئیں،تین بھائی شدید زخمی
معمولی تلخ کلامی پر گو لیاں چل گئی ،تین بھا ئی شدید زخمی ،ملزم مو قع واردات پر گرفتار ،ریسکیو 1122 نے زخمیوں کو ہسپتال منتقل کر دیا ،1 بھا ئی کی حالت خطرے میں،پویس تھا نہ صدر بیرونی نے ملزمان کو پا بند سلاسل کر دیا ،تفصیلات کے مطا بق اڈیالہ روڈ کے علا قے منور کا لو نی سٹاپ پر واقع نا صر آٹو ورکشاپ کے مالک نا صر اور حق با ہو تندورمنورکا لو نی کے نو عمر عبدالوحید عرف وکی عمر 16 سال کے درمیان افطاری سے پہلے تو ہ تکرار ہو ئی ،جس پر نا صر نے کہا کہ میں افطاری کے بعد تم کو دیکھ لوں گا،یوں ہی روزہ کھلا تو نا صر اپنے ساتھیوں کے سمیت حق باہوتندور پر حملہ آوار ہو گیا ،اور تین بھا ئیوں عبد الوحیدعرف وکی جس کی عمر 16 سال ہے اور نو یں جما عت کا طالبعلم ہے ، کو 30 بور پسٹل سے فائر نگ کر کے شدید زخمی کردیا،جبکہ نا صر کے ساتھیوں نے جن میں نعمان وغیرہ شامل تھے ،وکی کے بھائی لکی زمان اور محمد آمین کو بھی زخمی کر دیا ،عین فائر نگ کے مو قع پر پویس تھا نہ صدر بیرونی کے دو ملازمین جو مو ٹر سائیکل پر گشت کر رہے تھے ،موقع واردات پر پہنچ گئے۔
Friday, 12 August 2011
Pothwar News Today
سانپ کے ڈسنے سے لگاتار تیسری ہلاکت ، گوہڑہ میں بارہ سالہ بچے بدن میں سانپ کا زہر پھیل جانے پر ہلاک
پوٹھوار کے علاقے میں پچھلے کچھ دنوں میں سانپ کے ڈسنے سےتیسرے فرد کی فوتگی۔مقامی ڈسپنسریوں اور ہسپتالوں میں ویکسین کی عدم دستیابی کی وجہ سے غریب افراد کو مشکلات کا سامنا۔گوہڑہ میں بارہ سالہ لڑکا سانپ کے ڈسنے سے جان بحق، والدین غم سے نڈھال، تفصیلات کے مطابق بائیں(گوہڑہ) کے عبدالرحمان کا بارہ سالہ لڑکا ذین جو کہ گورنمنٹ پرا ئمبری سکول گوہڑہ میں جماعت چہارم کا طالب علم تھا سانپ ڈسنے سے جان بحق ہو گیا۔اس واقعہ کا افسو س ناک پہلو یہ ہے کہ ایک ہفتہ قبل بچے کو سانپ ڈسنے پر بچے کے والدین جو کہ نہایت ہی غریب ہیں اہسپتال لے جانے کے بجا ئے دم درود کا سہارہ لیتے رہے اور ایک ہفتہ کے بعد بچہ کو خون کی الٹیاں شروع ہو ئیں تو اس کو بے نظیر بھٹو اہسپتال(سنٹرل اہسپتال) میں داخل کر ایا گیا۔ لیکن چونکہ سانپ کا ذہر اس کے جسم میں پوری طرح سرایت کر چکا تھا اس لیے ڈاکٹرز کی تما م کوششیں بے سود ثابت ہو ئیں اور بچہ جان بحق ہو گیا۔
شانزہ طارق نے راولپنڈی بورڈ کے میٹرک کے امتحان میں تحصیل گوجرخان میں اول پوزیشن حاصل کرنے کا اعزاز
گوجرخان۔فوجی فاؤنڈیشن سکول کی طالبہ اور معروف معالج ڈاکٹر طارق محمود کی صاحبزادی شانزہ طارق نے راولپنڈی بورڈ کے میٹرک کے امتحان میں 1002نمبر حاصل کر کے بورڈ میں ساتویں جبکہ تحصیل گوجرخان میں اول پوزیشن حاصل کرنے کا اعزاز حاصل کیا
گورنمنٹ گرلز ہائی سکول دوبیرن کلاں کا میٹرک کا شاندار رزلٹ
کلرسیداں ۔گورنمنٹ گرلز ہائی سکول دوبیرن کلاں کا میٹرک کا شاندار رزلٹ،39طالبات امتحان میں شریک ہوئیں ،سب کی سب پاس قرار دی گئیں۔ہیڈمسٹرس کو علاقہ بھر کے معززین کی جانب سے خراج تحسین ۔گورنمنٹ گرلز ہائی سکول دوبیرن کلاں کا امسال 100%رزلٹ آیا ہے ۔جملہ طالبات پاس قرارد ی گئیں۔سکول سٹاف اور ہیڈمسٹرس کو شاندار کارکردگی پر علاقہ بھر سے تحسین کے پیغامات وصول ہورہے ہیں۔
تھانہ کلرسیداں کی حدود میں متعدد واقعات پر مقدمات کا اندارج
کلرسیداں ۔تھانہ کلرسیداں کی حدود میں متعدد واقعات پر مقدمات کا اندارج،نامرد خاوند سے شادی کرنے والی خاتون کی عزت اس کادیورلوٹتا رہا،الٹراساؤنڈ کرانے پر متاثرہ خاتون حاملہ نکلی،مکئی میں گیند جانے پر چھوٹے بچے کودیوار سے دے مارنے پر بچے کا بازوٹوٹ گیا،جان سے مارنے کی دھمکیاں،ہوائی فائرنگ ،تشدد پر ملزمان کے خلاف مقدمات درج کرلئے گئے۔تفصیل کے مطابق راجہ محمدمعروف ولد کرامت ساکن سیاہلی عمر خان نے پولیس کوبتایا کہ اس کی بیٹی کی شادی ڈیڑھ سال قبل ایک نامرد شخص ارشد ولد کرامت سے ہوگئی جو کہ بعدازاں برطانیہ چلا گیا،بعدازاں ارشد کے بھائی عنصر نے اس کی بیٹی پر بری نظر رکھنی شروع کردی اور زبردستی زنا شروع کردیا اور دھمکی دی کہ اگر کسی کو بتایا تو سب کو قتل کردوں گا،عنصر کے پورے گھر والے اس برائی سے آگاہ تھے،الٹراساؤنڈ کرانے پر متاثرہ خاتون حاملہ نکلی ،پولیس نے مقدمہ نمبر305زیر دفعات درج کرلیا۔دوسرے واقعہ میں عبدالغفور ولد راجہ خان نے پولیس کو بتایا کہ اس کا بھائی محمدشبیر ،خان شبیر کی ملکیتی آراضی میں چوکیدارہ کرتا ہے ،صبح کے وقت ٹینٹ میں چائے بنا رہاتھاکہ ملزمان ظہیرولد شبیر،واجد ولد لیاقت اور ماجد ولد لیاقت مسلح ڈنڈا جات آگئے اور انھوں نے میرے بھائی کو بری طرح مضروب کیا ۔ملزمان کے خلاف زیر دفعات 337مقدمہ درج کرلیا گیا۔ایک اورواقعہ میں تبارک حسین ولد عبدالخالق ساکن ڈھوک مغلاں ٹکال نے پولیس کو بتا یا کہ میرے 10سالہ بیٹے واصف کی گیند امجدحسین بھٹی کی مکئی میں چلی گئی جس پر ملزم نے میرے بیٹے کواٹھا کر دیوار کے ساتھ دے مارا جس سے اس کا بازو ٹوٹ گیا،ملزم کے خلاف مقدمہ نمبر303درج کرلیاگیا ہے۔گاؤں مک کی ایک خاتون شبنم زوجہ شکیل نے محمدنعیم ولد امین اور عدیل ولد نعیم پر الزام عائد کیا ہے انھوں نے مسلح پسٹل اور ہتھوڑی میرے گھر آکر مجھے گالم گلوچ کی،بالوں سے پکڑ کر گھسیٹا ،عزت پر ہاتھ ڈالنے کی کوشش کی اور میر ی قمیص پھاڑدی ،ملزمان کے خلاف مقدمہ نمبر300درج کرلیاگیا ہے۔ ایک دیگر واقعہ میں طارق محمود ساکن دوبیرن کلاں نے پولیس کو بیان دیا کہ ضامن کیانی ولد نواز کیانی اور سبطین کیانی مسلح ہائے 30بورپسٹل معہ ایک نامعلوم ملزم میرا راستہ روک لیا،میرے شورکرنے پر ملزمان نے ہوئی فائرنگ شروع کردی اور جاتے ہوئے قتل کرنے کی دھمکیاں دے گئے ۔ملزمان کے خلاف مقدمہ درج کرلیا گیا۔دریں اثنا دوران گشت گلزار ایس آئی نے ملزم شعیب حسین ساکن چھنی کلرسیداں کے قبضہ سے 30بور ناجائز پسٹل برآمد کرکے مقدمہ درج کرلیا۔